प्रदेश १ मा १० बेडको भेन्टिलेटर सहित ५० बेडको कोरोना विशेष अस्पताल सञ्चालनमा प्रदेश सरकारले कोरोना भाइरस विरुद्ध लड्न पूर्ण तयारी गरेको मुख्यमन्त्री राईको भनाई

  • चैत्र २१, २०७६
  • ५५३ पटक पढिएको
  • कपुरी न्यूज
alt

विराटनगर : प्रदेश नं १ का मुख्यमन्त्री शेरधन राईले प्रदेश सरकारले कोरोना भाइरस (कोभिड-१९) विरुद्ध लड्न पूर्ण तयारी गरेको बताएका छन् ।

शुक्रवार देखी सञ्चालनमा आएको (कोभिड -१९) विशेष अस्पतालको निरीक्षण गर्दै मुख्यमन्त्री राईले प्रदेश सरकार कोरोना विरुद्ध लड्न प्रदेशका सबै क्षेत्रसँग सहकार्य गरेर अगाडि बढेको बताएका हुन् ।

विश्वमा महामारीका रूपमा फैलिएको कोरोना भाइरसको सङ्क्रमणबाट प्रदेशवासीलाई बचाउने अभियानमा प्रदेश सरकार रहेको भन्दै मुख्यमन्त्री राईले सरकारले गर्नुपर्ने तयारीका सबै काम गरिरहेको बताए । प्रदेश सरकारले विज्ञ चिकित्सकहरूको टोली गठन गरेर विभिन्न अस्पतालमा काम गर्ने स्वास्थ्य कर्मी, विशेष अस्पतालमा काम गर्ने स्वास्थ्य कर्मी र एम्बुलेन्स चालकका लागि चाहिने फरक फरक खालका स्वास्थ्य सुरक्षाका सामग्रीको र त्यसको आपूर्तिका लागि अध्ययन गरिरहेको बताएका छन् ।

Corona Hospital

यस्तै क्वारेन्टाइनमा रहेकाहरूको सुरक्षा र खाने बस्ने व्यवस्था सरकारले मिलाएको पनि मुख्यमन्त्री राईले जानकारी दिए ।
अहिलेसम्म प्रदेश एकमा कसैलाई यसको सङ्क्रमण नदेखिए पनि प्रदेश नं १ उच्च जोखिममा रहेको बताउँदै यसबाट बच्न उच्च सावधानी र सतर्कता अपनाउन सबै नागरिकलाई अपिल समेत गरे ।

प्रदेश सरकारले नेशनल ट्रेडिङको पुरानो भवनलाई कोसी अस्पताल अन्तर्गत रहने कोरोना विशेष अस्पतालका रूपमा विकास गरेको हो । १० बेडको भेन्टिलेटर सहित ५० बेडको अस्पतालमा बिरामीको चाप बढेमा ७० जनासम्म राख्न सकिने कोसी अस्पतालकी प्रमुख डा. सङ्गीता मिश्रले बताइन् ।

प्रदेश सरकार मन्त्री परिषद्को चैत ९ गतेको बैठकले कोरोना विशेष अस्पताल बनाउने निर्णय गरेको थियो ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • बिनय बाह्रकोटी (ईटहरी)
  • कृष्ण 'बहाब' भट्टराई (इटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • बिज्ञापन प्रमुख सुजन खत्री (९८०७०९२०९७)

Copyright © 2018 / 2020 - Kapurinews.com All rights reserved