धरान: सुनसरीको धरान उपमहानगरपालिका १५ स्थित बगरकोटबाट शुक्रबार अवैध लागूऔषध गाँजा र चक्कुसहित एक जना पक्राउ परेका छन् ।

पक्राउ पर्नेमा सोही स्थानमा डेरा गरी बस्ने बर्ष २७ को बीरेन्द्र तामाङ रहेका छन् । तामाङलाई राती करिब १२ बजेको समयमा प्रहरीले पक्राउ गरेको हो । उनीमाथि शंका लागेर कोठामा चेकजाँच गर्ने क्रममा ५ सय ग्राम गाँजा र एक थान रेम्बो चक्कु बरामद भएको प्रहरीले जनाएको छ । बरामद सामानसहित तामाङलाई आवश्यक अनुसन्धानको लागि इलाका प्रहरी कार्यालय धरानमा राखिएको उक्त कार्यालयले जनाएको छ ।