_1725945816.gif)
धरान:नेपाल आइस मिस पुर्वाञ्चल २०१८ को उपाधि झापाकी पुजा श्रेष्ठले जितेकी छिन् । उनले ताजसँगै यामाहाको स्कुटी, हङ्गकङ्ग भ्रमण र विभिन्न उपहार पाईन् ।
धरान १५ स्थित होटल इजी राइडर्समा शनिबार राती भएको प्रतियोगितामा धनकुटा हिलेकी अनिला क्षेत्री फस्टरनरअप बनिन् । उनले नगद एक लाखसहित विभिन्न पुरस्कार पाईन् । इटहरीकी तपस्या रणपहेली सेकेन्डरनरअप बनेर नगद ५० हजारसहित विभिन्न पुरस्कार पाईन् ।
फाईनल प्रतिष्पर्धामा मिस फोटोजेनिक र मिस मल्टिमिडिया टाइटल आकृति आचार्यले जितिन् । वेष्टवाक र मिस ट्यालेन्ट सोनेता दाहाल, मिस पब्लिक च्वाईस र मिस इन्टिलेक्चुअल रुसाली केसी भइन् भने मिस फ्रेन्डसीप सलिना राजवंशी घोषित भए । उनीहरुले जनही १५ हजार पुरस्कार पाए । त्यस्तै फेस अफ डिभाइन आकृति आचार्यर पिएलओ फिटनेस स्वस्टिका विसुंखे घोषित भए । सिल्भर इन्टरटेन्मेन्टले आयोजना गरेको प्रतियोगीतामा वरिष्ठ वातावरणविद् राजेन्द्र खनाल लगायतका निर्णांयकहरुको टोलिले विजेता छनोट गरेको हो ।
