 (13)_1727965004.gif)
धरान: बराह ज्वेलरी इण्डष्ट्रिज प्रालि धरानले बालबालिकाहरुको लागि आवश्यक पर्ने सम्पुर्ण सामाग्रीहरुको लागि अलग्गै द किड्स वल्र्ड सञ्चालनमा ल्याएको छ ।
बराहको पहिलोे तल्लामा खुलेको किड्स वल्र्डको बिहिबार एक कार्यक्रमबीच नेपाल पत्रकार महासंघ सुनसरीका उपाध्यक्ष सन्तोष काफ्लेले उद्घाटन गरे । काप्mलेले व्यापार व्यवसायमा मात्र नभै बराहले सामाजिक क्षेत्रमा पनि योगदान पुर्याएकोले अलग्गै पहिचान बनाउन सफल भएको भन्दै प्रशंसा गरेका थिए । ‘बराहले व्यापार मात्र गरेको छैन, आफुले कमाएको नाफाबाट सामाजिक कामहरु पनि गरिरहेको छ, त्यसैले बराहको पहिचान व्यापार, व्यावसायमा अलग्गै बनेको छ,’उनले भने ।
बराहले थप ५० लाख रुपैयाँ लगानी गरेर किड्स वल्र्ड सञ्चालनमा ल्याएको धरान प्रमुख मानबहादुर विश्वकर्माले जानकारी दिए । किड्स वल्र्डमा विदेशबाट आयात गरिएका ब्राण्डेड सामानहरु भएपनि सकेसम्म नेपालमा उत्पादन भएकोलाई पनि प्राथमिकता दिइएको उनले बताए । अब बराहका ग्राहकहरुलाई सामान किन्ने यताउता धाउन नपर्ने उनले बताए । किड्स वल्र्डमा कम्तिमा ५० रुपैयाँदेखि ५ हजार रुपैयाँसम्मको सामानहरु उपलब्ध रहेको प्रालिले जनाएको छ । धरान प्रमुख विश्वकर्माका अनुसार किड्स वल्र्डमा भर्खर जन्मिएका शिशुदेखि १६ वर्षसम्मका बालबालिकाहरुको विभिन्न सामानहरुउपलब्ध छन् । ‘हाम्रो ग्राहक महानुभावहरुलाई सहजताको लागि बच्चाहरुको सामान अलग्गै पाउने ठाउँ बनाइदिएका हौ,’उनले भने,‘अब बच्चाको लागि सिधै यहाँ आएर खरीद गर्दा सहज हुनेभयो ।’
किड्स वल्र्डमा बालबालिकाहरुको लागि पोशाक, जुत्ता, चप्पल, स्विमिङ कस्टमलगायतका विभिन्न ब्राण्डका सामानहरु पाइने किड्स वल्र्डका शाखा मेनेजर संगम उदासले जानकारी दिए । उद्घाटनको अवसरमा १५ देखि २५ प्रतिशतसम्म छुटको व्यवस्था भएको पनि उदासले बताए । ‘बेबी सुट, स्विमिङ कस्टम, बच्चाको जुत्ता, कपडा, चप्पल सबै पाइन्छ,’उनले भने । बराहले एउटै भवनबाट सुनचादी पसलदेखि डिपार्टमेन्ट स्टोर, कस्मेटिक, खाद्यान्न, पेय पदार्थ, रेमिट्यान्स सेवा, ट्राभल एजेन्सी, सहकारीलगायत विभिन्न सेवाहरु दिइरहेको छ । यहाँ बराह फेमिलि किचन, बच्चाहरुलाई मनोरञ्जनको लागि बराह संसार, १६ डि थिएटर हलसँगै थेपारीको पनि व्यवस्था रहेको छ ।
