धरान(डेस्क) : ईलामको देउमाई नगरपालिका १ कुखुरे गाउँबाट प्रहरीले लागूऔषध गाँजासहित आईतवार १ जनालाई पक्राउ गरेको छ ।

गोप्य सूचनाको आधारमा इलाका प्रहरी कार्यालय मंगलवारेबाट खटिएको प्रहरी टोलीले सोही स्थान बस्ने ६७ वर्षीय आस बहादुर राईको घरबाट साँझ साढे ७ बजे लुकाई छिपाई राखेको १ किलो लागूऔषध गाँजा बरामद गरेको हो । गाँजा सहित पक्राउ परेका राईलाई उक्त कार्यालयमा राखि थप अनुसन्धान भईरहेको छ ।