 (13)_1727965004.gif)
इटहरी : रानी विराटनगर इटहरी धरान छ लेन सडक क्षेत्र भित्र रहेका घर संरचना हटाउन सुरु गरिएको छ ।
शुक्रवार इटहरी उपमहानगरले इटहरी मुख्य चौकमा पर्ने घर संरचना हटाउन सुरु गरेको हो । इटहरीको मुख्य चौक देखि दक्षिण विराटनगर लाइनमा ३४ वटा घर हटाउन बाँकी छ थियो । ती संरचना हटाएर आयोजनालाई पूर्णता दिइएको इटहरीका मेयर हेमकर्ण पौडेलले जानकारी दिए ।
इटहरी-९ स्थित विराटनगर लाइनको २ वटा घरहरूमा डोजर लगाएर भत्काइएको हो । इटहरीका राजनीतिक दल, इलाका प्रहरी कार्यालय इटहरी, इटहरी वडा नम्बर ९ का अध्यक्ष जितेन्द्र थापा, छ नम्बर का अध्यक्ष दिवस पोख्रेल लगायतको सक्रियतामा घर भत्काउन थालिएको हो ।
पत्रकारसँग संक्षिप्त कुराकानी गर्दे मेयर पौडेलले आजबाट अभियानकै रूपमा सुरु भएको भएको बताए । उनले यो अभियान आइतबार सम्म चल्ने समेत बताए । मुख्य चौकका घर टहरा हटाउने अभियान आज देखि सुरु भएको छ । मेयर पौडेलले भने अब यो कार्य सके लगत्तै खोला पैनी मिचेर बनाएका संरचनामाथि पनि डोजर चलाउँछौँ ।
९ नम्बरका वडा अध्यक्ष थापाले सर्वपक्षीय छलफल गरेर राजमार्ग क्षेत्रमा पर्ने घरहरू हटाउने निर्णय स्वरूप शुक्रवारबाट अभियान थालिएको बताए । उनले आयोजनालाई जतिसक्दो चाँडो सडक खाली गरेर जिम्मा लगाए उति सडक विस्तारको कामले पूर्णता पाउने जानकारी दिए । सडक परियोजना अन्तरगत सडकको बिच भागबाट ५५ फुट कायम हुने गरी शुक्रवार देखि डोजर चलाइएको उपमहानगरले जनाएको छ ।
