धरान : धरान दसैँ नजिकिएको बेला खर्चालु बनेकाहरू तास जुवामा पनि रमिन थालेका छन् । धरानमा जुवा खेल्दै यसरी रमाइरहेका ४ जना प्रहरीको फन्दामा परेका छन् ।
धरान-१५ बाट जुवा खेल्दै गरेका ४ जनाको समूहलाई प्रहरीले पक्राउ गरेको हो । हिजो शुक्रवार बिहान इलाका प्रहरी कार्यालय धरानको प्रहरी टोलीले धरान-१५ स्थित दिल कुमार खवासको घरमा जुवा तास खेलिरहरुलाई १३ बुक तास र नगद ४९ हजार ३ सय १५ रुपैयाँ सहित पक्राउ गरेको हो ।
पक्राउ पर्नेमा धरान-१५ का ३२ वर्षीय डम्बर भन्ने विकास गोतामे, ३५ वर्षीय ज्ञानबहादुर राई, धरान-१८ का ३२ वर्षीय किसन घिमिरे र भोजपुर पौवादुम्बा-१ का ४४ वर्षीय श्री राई छन् ।
चाडपर्वलाई सुरक्षित बनाउने उद्देश्यले कोशी प्रदेश प्रहरी कार्यालय विराटनगरको सुरक्षा सुनिश्चितता अभियान अन्तरगत इलाका प्रहरी कार्यालय धरान र वडा प्रहरी कार्यालय क्रियाशील भएको प्रदेश प्रहरी कार्यालय विराटनगरले जनाएको छ ।