धरान : इलाका प्रहरी कार्यालय इटहरीले इटहरी-४ मनकामना टोलका २९ वर्षीय विवेक चौधरीलाई शनिवार लागुऔषध ब्राउसुगर सहित पक्राउ गरेको छ।

कोशी प्रदेश प्रहरी कार्यालय विराटनगरले जनाए अनुसार चौधरीको साथबाट लागुऔषध ब्राउन सुगर २ ग्राम ८९० मिलिग्राम बरामद गरिएको छ ।

मोरङ पथरी शनिश्चरे-८ केर्खा टोलका २१ वर्षीय विक्रम क्षेत्रीलाई पनि लागुऔषध ब्राउन सुगर सहित प्रहरीले पक्राउ गरेको छ ।

लागुऔषध नियन्त्रण ब्युरो काँकडभिट्टाको प्रहरी टोलीले चेकजाँचको क्रममा झापाको मेचीनगर-६ पुरानो मेचीपुलबाट क्षेत्रीलाई पक्राउ गरिएको हो । क्षेत्रीको साथबाट लागुऔषध ब्राउन सुगर १० ग्राम बरामद गरिएको छ ।