धरान : पूर्व प्रधानमन्त्री नेकपा माओवादी केन्द्रका अध्यक्ष पुष्पकमल दाहालको शुक्रबार धरानमा हुने कार्यक्रम २८ गते सरेको छ ।
अध्यक्ष प्रचण्ड बाथरुम लडेर टाउकोमा चोट लागेपछि शुक्रबारको कार्यक्रम स्थगित भएको हो ।
धरानमा अध्यक्ष प्रचण्डले किरात र लिम्बुवान मोर्चाको राष्ट्रिय सम्मेलन उद्घाटन समारोहलाई विशेष सम्बोधन गर्ने कार्यक्रम थियो ।
सबै तयारी पुरा भएको राष्ट्रिय सम्मेलन २ दिन सरेको छ । गए राती मङ्गलवार बाथरुममा चिप्लिएर लडेपछि प्रचण्डको टाउकोमा तीन वटा टाँका लगाइएको थियो । 
प्रचण्डको स्वास्थ्य स्थिति बिग्रेपछि किरात र लिम्बुवान मोर्चाको राष्ट्रिय सम्मेलन वैशाख २८ गते उद्घाटन हुने भएको हो ।