धरान : सुनसरी दुहबी २ बस्ने ४५ वर्षीय शिव नारायण चौधरीको करेन्ट लागेर मृत्यु भएको छ ।

आज बिहान ११ बजे खनार स्थित घरको इँटा जोड्ने क्रममा नजिकै रहेको बिजुली तार सट भई करेन्ट लाग्दा चौधरी बेहोस भएका थिए ।

बेहोस भएका चौधरीको विराट टिचिङ हस्पिटल विराटनगरमा उपचारको क्रममा साढे ११ बजे मृत्यु भएको जिल्ला प्रहरी कार्यालय सुनसरीले जनाएको छ । मृतक चौधरी घर बनाउने मिस्त्री रहेको खुल्न आएको छ ।