_1749430366.gif)
सुनसरी : सुनसरीको इनरुवा नगरपालिकाले सडक अतिक्रमण गरेर राखेका संरचना हटाउन थालेको छ । पटक पटकको सार्वजनिक सूचना अटेर गरेको भन्दै नगरपालिकाले मङ्गलवारबाट अतिक्रमित सडक पेटी खाली गराउन थालेको हो ।
मंगलबार बिहानै देखि नगरप्रमुख केदार भण्डारी नेतृत्वको टोलीले मुख्य राजमार्ग छेउमा पसल राख्ने, टहरा बनाएर व्यवसाय चलाउने माथि डोजर चलाएको हो ।
व्यापारी र केही स्थानीयको अवरोध बिच नगरपालिकाको टोलीले अतिक्रमित सडक पेटी र सडकमा बनाइएका टहरा हटाउन थालेको छ । सवारीसाधनले सडक अस्तव्यस्त भइरहेका बेला सडक आसपासमा त्यस्ता संरचना राख्दा दुर्घटनाको जोखिम रहेको भन्दै हटाउन थालिएको नगर प्रमुख भण्डारीले जानकारी दिए ।
उनले मङ्गलवारबाट अभियान नै सुरु भएको भन्दै यसलाई निरन्तरता दिए बताए । ‘अब हाम्रो अभियान सुरु भएको छ ।’, नगरप्रमुख भण्डारीले कपुरी न्युज सँग भने “यो कार्य निरन्तर अघि बढ्छ । सुरुमा सडक अतिक्रमण हटाउँछौ, त्यसपछि सार्वजनिक जग्गा ओगटेर बनाएका निजी संरचनामाथि नै डोजर चल्छ । यो जनताको माग हो म त्यसै अनुसारको काम गर्छु ।”
नगर प्रमुख भण्डारीले पटक–पटकको सूचना अटेर गरेपछि बाध्य भएर एक्सनमा उत्रनुपरेको बताए ।
