• रश्मि प्रधान
धरान : धरान-१५ मा रहेको हिविस्कस इङ्लिस बोर्डिङ स्कुलमा धरान नगरस्तरीय हाजिरी जवाफ प्रतियोगिताको सम्पन्न भएको छ ।
बिहीबार भएको पहिलो चरणको प्रतियोगितामा २७ स्कुल सहभागी मध्ये ६ वटा स्कुल अन्तिम चरणमा प्रवेश गरेका छन् । अन्तिम चरणमा प्रवेश गर्ने स्कुलहरूमा नेपाल पुलिस स्कुल, चन्द्र संस्कृत मावि, ज्वालामुखी मावि, सुनाखरी एकेडेमी, एम्स एकेडेमी र आयोजक हिविस्कस इङ्लिस स्कुल रहेका छन् ।
धरान नगरबाट सहभागी भएका स्कुल मध्येबाट फाइनलका लागि ६ वटा विद्यालय छनौट भएको विद्यालयका सहायक प्रिन्सिपल विजय सिं थेबेले जानकारी दिएका छन् ।
प्रतियोगितामा प्रथम, द्धितिय, तृतीय, चौथो, पाचौं र छैटौँ हुने विजेताहरूले क्रमशः १२ हजार, १० हजार, ८ हजार, ६ हजार, ४ हजार, २ हजार नगद पुरस्कार, मेडल र प्रमाण–पत्र प्राप्त गर्नेछन् ।
प्रतियोगिताले लोक सेवा आयोगको तयारी गर्ने विद्यार्थीहरूका लागि थप सहज हुने स्कुलका प्रिन्सिपल गङ्गाराम राईले बताए ।