_1735354691.gif)
धरान: धरानका तीनवटै क्याम्पसहरू महेन्द्र बहुमुखी क्याम्पस, केन्द्रीय प्रविधि क्याम्पस र पूर्वाञ्चल इन्जिनियरिङ क्याम्पसमा मतगणना सुरु भएको छ ।
महेन्द्र क्याम्पसका निर्वाचन अधिकृत लक्ष्मीकृष्ण श्रेष्ठका अनुसार दिउँसो साढे १ बजे देखि सुरु भएको बताए ।
मङ्गलवार भएको स्ववियु निर्वाचनमा कुल २१ सय ५०मत खसेको छ । कुल मतदाता सङ्ख्या ४ हजार २ जना रहेकोमा मतदान ५३.७२ प्रतिशत खसेको थियो ।
महेन्द्र क्याम्पसमा नेविसङ्घ र अनेरास्ववियुको गठबन्धनबाट सभापतिमा नेविसङ्घ प्रशान राई, अनेरास्ववियु क्रान्तिकारीको तेजबहादुर दुमी, समाजवादी विद्यार्थीका युवराज राई अलौकिक, अनेरास्ववियु क्रान्तिकारी मोहन वैद्य किरणबाट अमृता राई उम्मेदवार रहेका थिए ।
केन्द्रीय प्रविधि क्याम्पस हात्तीसारका निर्वाचन अधिकृत राम शोभित यादवका अनुसार दिउसो १ बजेर २० मिनेट देखि मतगणना सुरु भएको बताए
हिजो भएको मतदानबाट ७ सय ८५ मत खसेको छ । कुल मतदाता सङ्ख्या ९६२ रहेको खसेको मत ८१ प्रतिशत रहेको छ ।
क्याम्पसमा नेविसंघ र अनेरास्ववियुको गठबन्धनबाट अनिरुद्ध श्रेष्ठ (कृश) सभापति पदको उम्मेदवार रहेका छन् ।अनेरास्ववियु क्रान्तिकारी र स्वतन्त्र समूह गठबन्धनका स्वतन्त्र समूहको पेशल राज कार्की सभापतिको उम्मेदवार छन्।
पूर्वाञ्चल इन्जिनियरिङ क्याम्पसका निर्वाचन अधिकृत विनयलाल श्रेष्ठले १२ बजे देखि मतगणना सुरु भएको बताए । हिजो भएको मतदानमा १ हजार ९८४ सय मत खसेको थियो ।
उक्त मतदान ८३.८२ प्रतिशत रहेको उनले बताए । क्याम्पसमा कुल मतदाता सङ्ख्या २ हजार ३६२ रहेका छन् । क्याम्पसमा नेविसङ्घबाट सागर बस्याल, अनेरास्ववियु क्रान्तिकारीका करण मगर, अनेरास्ववियुको ईश्वर बन्जाडे, समाजवादी विद्यार्थीबाट गणपति झा, स्वतन्त्र विद्यार्थी समूहको सविन धिताल सभापतिका उम्मेदवार रहेका थिए ।
_1664681437.jpg)
