वराहक्षेत्र : वराहक्षेत्र नगरपालिकामा रहेको सप्तकोशी बहुमुखी क्याम्पसमा सम्पन्न स्वतन्त्र विद्यार्थी युनियन निर्वाचनमा नेपाल विद्यार्थी सङ्घका विज्ञान सावाँ लिम्बूको प्यानलै विजयी भएको छ । 
४ सय ३९ मतदाता रहेको क्याम्पसमा ३ सय ९२ जना विद्यार्थीले मतदान गरेका थिए । जसमा सभापतिमा विज्ञान लिम्बूले २ सय ३५ मत प्राप्त गरेका छन् । उनी १ सय १७ मतको अन्तरले विजयी भएका छन् । 
उनका निकटतम प्रतिद्वन्द्वी अनेरास्ववियुकी सन्जु खड्काले १ सय १८ मत प्राप्त गरिन । त्यस्तै अनेरास्ववियु कान्तिकारीका धनकेशर भुजेल (विमल) ले ५ मत र समाजवादी विद्यार्थी युनियनका निरमाया राईले १४ मत प्राप्त गरिन् ।
सचिवमा नेबिसंघकी इन्जु भट्टराई विजयी भएकी छिन् । उनले १ सय ८८ मत प्राप्त गरिन । उनका निकटतम प्रतिद्वन्द्वी अनेरास्ववियुका पविन रानामगरले १ सय ४३ मत प्राप्त गरे । त्यस्तै अनेरास्ववियु क्रान्तिकारीका कुशल कार्कीले ६ मत र समाजवादी विद्यार्थी युनियनका बद्रीनाथ गौतमले ३३ मत प्राप्त गरेका थिए ।
कोषाध्यक्षतर्फ नेबिसंघका डिकबहादुर चुवान खत्री विजयी भएका छन् । उनले १ सय ८३ मत प्राप्त गरे । उनका निकटतम प्रतिद्वन्द्वी अनेरास्ववियुका बिके बस्नेतले १ सय ६९ मत प्राप्त गरे । त्यस्तै अनेरास्ववियु क्रान्तिकारीका अङ्कित थापाले ९ मत प्राप्त गरे ।
त्यस्तै सदस्यमा नेबिसंघका उम्मेदवार विजयी भएका छन् । जसमा मनोज निरौलाले २ सय २४ मत, मनीषा थापाले २ सय १३ मत, भीम बहादुर भण्डारी २ सय १२ मत, अस्मिता श्रेष्ठले २ सय ७ मत र शाहीद चुरौटेले २ सय ३ मत प्राप्त गर्दै विजयी भएको निर्वाचन समितिले जानकारी दिएको छ ।
समानुपातिकतर्फ नेपाल विद्यार्थी सङ्घले २ सय ४ मत प्राप्त गरेको छ । अनेरास्ववियुले १ सय १९ मत प्राप्त गरेको छ । त्यस्तै अनेरास्ववियु क्रान्तिकारी १० र समाजवादी विद्यार्थी युनियनले २२ मत प्राप्त गरेको छ ।