धरान उपमहानगरको सातौँ नगर सभामा ४ वटा विधेयक प्रस्तुत , भोलि बिहान ११ बजे देखि पुन नगर सभा हुने

  • असार ३०, २०७७
  • ११० पटक पढिएको
  • कपुरी न्युज
alt

धरान : धरान उपमहानगरपालिकाको असार १० गते नीति तथा कार्यक्रम प्रस्तुत भएर स्थगित भएको नगर सभा आज देखि फेरी सुरु भएको छ ।

आज धरान उपमहानगरपालिकाको सातौँ नगर सभामा ४ वटा विधेयक र २ वटा प्रतिवेदन प्रस्तुत भएको छ ।
वीपी कोइराला स्वास्थ्य विज्ञान प्रतिष्ठानको अडोटरियम हलमा आज अबेर सुरु भएको बैठकमा विधेयक र विषयगत समितिको प्रतिवेदन प्रस्तुत भएको छ । बैठक भोलि बिहान ११ बजे पुनः आह्वान गरिएको छ । नगर सभामा आज आगामी आर्थिक वर्षको लागि विनियोजन विधेयक, आर्थिक विधेयक प्रस्तुत भयो । यस्तै, वातावरण तथा प्राकृतिक स्रोतको संरक्षण सम्बन्धमा व्यवस्था गर्न बनेको विधेयक र राजश्व परिचालन विधेयक २०७७ प्रस्तुत भएको छ ।

यसै गरी न्यायिक समिति र सार्वजनिक लेखा समितिको प्रतिवेदन पनि प्रस्तुत गरिएको छ । यसै गरी वडा नं १० का सदस्य तथा नगर सभा सदस्य कृष्ण राईकी श्रीमती अन्जु राईको निधनप्रति मौन धारण गर्दै बैठक भोलि ११ बस्ने भन्दै आज स्थगित गरिएको छ ।

यसै गरी आज प्रस्तुत भएका विधेयकको बारेमा भोलि बिहान १० बजे सम्ममा धरान उपमहानगरका प्रमुख प्रशासकीय अधिकृत विदुर प्रसाद खनाललाई आफूलाई लागेको जिज्ञासा र सुझावहरू टिपाउन अनुरोध गरिएको ९ नम्बर वडाध्यक्ष रत्नबहादुर कटुवालले बताए ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved