लागुऔषध कारोबारीको घरमा छापा हान्न जाँदा प्रहरीमाथि नै आक्रमण, तीन प्रहरी घाइते 

  • श्रावण १६, २०७७
  • ४०४ पटक पढिएको
  • कपुरी न्यूज
alt

धरान : मोरङको बूढीगंगा गाउँपालिका-१ खोरैयामा प्रहरीमाथिनै आक्रमण भएको छ । लागूऔषध भण्डार गरेर कारोबार भइरहेको सूचनाको आधारमा लागुऔषध कारोबारीको घरमा छापा हान्न जाँदा प्रहरीमाथिनै आक्रमण भएको हो । 

जिल्ला प्रहरी कार्यालय मोरङको टोलीमाथि बिहीबार राति गाउँलेले घेरा हालेर आक्रमण गर्दा तीन प्रहरी घाइते भएका छन् । घाइते हुने प्रहरीहरुमा प्रहरी जवान ज्ञानबहादुर बस्नेत, जीवन काफ्ले र श्रवण चौधरी छन् ।

प्रहरी निरीक्षक मिलन थापाको नेत्रृत्वमा सादा पोसाकको टोली सो स्थानमा पुगेको थियो । गाँउलेहरुले शुरुमा सादा पोसाकका प्रहरीमाथि आक्रमण गरेका थिए । पछि थप मद्धतका लागि गएको हतियारसहितको टोली टोलीमाथि पनि आक्रमण भएको एसपी खड्काले जानकारी दिए । गाँउलेहरुले प्रहरीमाथि लाठी, भाला र खुकरी लिएर आक्रमणमा उत्रिएका थिए ।

घाइतेको विराट टिचिङ अस्पतालमा उपचार भइरहेको छ । बस्नेतको टाउकोमा सातवटा टाँका लगाइएको छ । अरु घाइतेको शरीरका विभिन्न भागमा चोट लागेको छ । आक्रमण गर्दै प्रहरीसँग भएको हतियार खोस्ने प्रयास गरेपछि टोलीले स्थितिलाई नियन्त्रणमा लिन पेस्तोलबाट दुई राउण्ड हवाई फायर समेत गरेको मोरङका एसपी सन्तोष खड्काले बताए ।

ठूलो संख्यामा परिचालित प्रहरी टोलीले घटनामा संलग्न पाँच जनालाई नियन्त्रणमा लिएको छ । आक्रमण भएपछि प्रहरीले स्थानीय स्तरमा स्टोर गरेर राखेको भनिएको लागुऔषध भने बरामद गर्न सकेन । प्रहरीले लागुऔषधको अवैध कारोबार गर्नेहरुको पहिचान गरेर खोजी थालिएको जनाएको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved