सिराहामा झारफुकको बहानामा युवती बलात्कृत, मौलाना पक्राउ

  • मंसिर ११, २०७७
  • ३७० पटक पढिएको
  • कपुरी न्यूज
alt

लहान : सिराहाको लहानमा झारफुकको बहानामा एक जना युवती बलात्कृत भएकी छिन् ।

मिर्चैया नगरपालिका-१० घर भई हाल लहान नगरपालिका-१० ग्रामीण चोकमा बस्दै आएका ३५ वर्षीय मौलाना अलि हसनले लहान नगरपालिका-७ की २३ वर्षीया युवतीलाई झारफुकको बहानामा बलात्कार गरेको घटना सार्वजनिक भएको हो ।

मङ्गलवार दिउँसो ती युवती झारफुक गराउन गएको बेला मौलानाले बलात्कार गरेको पीडितको आफन्तले बताएका छन् । युवतीको बयानका आधारमा मङ्गलवार राति नै हसनलाई प्रहरी ले पक्राउ गरेको छ ।बलात्कारपछि रक्तस्राव हुँदा गम्भीर बनेकी युवतीको लहानमा उपचार भइरहेको जिल्ला प्रहरी कार्यालय सिराहाले जनाएको छ ।

पीडित युवती र हसनको मङ्गलवार राति नै लहान अस्पतालमा स्वास्थ्य परीक्षण गरिएको प्रहरीले जनाइएको छ । ग्रामीण चोकस्थित मौलानाको घरमा झारफुकका लागि मङ्गलवार दिउँसो २ बजे तिर आफन्त सहित गएकी किशोरीलाई ढोका थुनेर आधा घण्टापछि निकालेको आफन्तको आरोप छ ।

मौलनाको घरबाट निस्किएपछि हताश देखिएकी युवतीले घरमा पुगेर आफूलाई बलात्कार गरेको र रक्तस्राव भइरहेको बताएकी थिइन्। त्यसपछि परिवारजन मौलनाको घरमा पुगेर कुटपिट गर्दै प्रहरीलाई खबर गरेका थिए । मौलनालाई हिरासतमा राखेर अनुसन्धान कार्य भइरहेको प्रहरीले बताएका छन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved