 (13)_1727965004.gif)
धरान : बिगत एक दशकदेखी सांगीतीक क्षेत्रमा अनवरत रुपमा लागेका गायक प्रमोद पोर्तेल र हिना मल्लको स्वर रहेको 'माया' बोलको गीत एक बिषेश कार्यक्रम गरी प्रमोद पोर्तेल अफिसिएल युट्युब च्यानल बाट सार्बजनीक भएको छ ।
प्रमोदको दोस्रो एल्वम 'माया हो' मा समावेश गीतहरु माया हो,फर्कि आउछु, पछी 'माया' बोलको गीतको म्युजिक भिडियो सार्वजनीक भएको हो ।
शनिवार धरानमा वरिष्ठ गायक दीप श्रेष्ठको प्रमुख आतिथ्यतामा प्रमोद पोर्तेलको 'माया' म्युजिक भिडियो रिलिज कार्यक्रम सम्पन्न भएको हो ।
पछिल्लो समय सुगम सङ्गीतमा यस्ता किसिमका गीतहरु नआएको भन्दै गायक दीप श्रेष्ठले गायकक पोर्तेललाई सुभकामना दिए । पोर्तेल कै शब्द सङ्गीत रहेको गीतमा हिना मल्ल बराइलीले फिमेल भोकलमा साथ दिएकी छन् ।
माया गर्ने प्रेमिल जोडीहरू टाढा टाढा भएर बसेका अवस्थामा एक अर्काको फिलिङ कस्तो हुन्छ ? भन्ने समग्र गीतको भाव रहेको गायक पोर्तेलले बताए । निर्देशक सुल्तान ईधिङ्गोले भिडियो डिरेक्सन साथै पस्टपोड्क्सन गरेका छन भने छायाङ्कन आभास जङ्ग माझी साथै आदम लिम्बुले गरेका छन ।
सुल्तान फिल्म पोड्क्सनका सञ्चालक समेत रहेका सुल्तान ईधिङ्गो हाल युकेमा रहेर फिल्म अध्ययन गरी नेपाली फिल्म,म्युजिक भिडियो निर्माणमा ब्यस्त रहेका छन ।
गीतको म्युजिक एरेन्ज दानिएल गदालले गरेका हुन भने अडियो मिक्सिङ रविन छेत्री, म्युजिक प्रोडक्सन जुदाह प्लाउज स्टुडियो ले गरेको छ ।
गीतको भोईस टेक भने अपार रेकर्डस धरानमा गरिएको हो । कार्यक्रममा विशेष अतिथि गायक सङ्गीतकार शिव लामिछाने,चर्चित गायक, गङ्गा वरदान ,विजयपुर मिडिया ग्रुपका डिरेक्टर हिमाल राई, धरान सङ्गीत प्रतिष्ठानका वर्तमान अध्यक्ष सुवर्ण श्रेष्ठ, गायक रोहित मास्के, गायक मनोज मोते, गायक डिल्ली फोम्बो, गीतकार भानु थापा मगर, बराह ग्रुपका पीआरओ सुरेन्द्र विश्वकर्मा लगायतको उपस्थिति रहेको थियो।
