 (13)_1727965004.gif)
धरान : १० औँ नेवा च्यारिटी धरान रन १० किमी २०७८ मा आज धरानमा ४ हजार भन्दा बढी धावक धाविकाहरू दौडिएका छन् ।
धरानको भानुचौकमा भेला भएर पुतलीलाईनबाट सुरु भएको धरान रन १० किमीमा देश विदेशका धावक धाविकाहरूको उल्लेख्य सहभागिता रहेको थियो । कोरोना महामारी पछि यति ठुलो सहभागितामा प्रतियोगिता भएको धरानमा यो पहिलो हो ।
विगतमा रन मात्रै गरिँदै आएकोमा यस पटक ह्विल चियर रन पनि आयोजना गरिएको छ । धरान रन १० किमी प्रतियोगिता सम्पन्न भइसकेको भए पनि अहिले आयोजकले विजेता धावक धाविकाको नाम घोषणा गर्ने तयारी गरिरहेको छ । धरानको भानुचौकमा अहिले विशेष कार्यक्रमको आयोजना गरिएको छ ।
