धरान : आगामी वैशाख ३० गते हुने स्थानीय तहको निर्वाचनकालागि नेकपा एमाले धरानले आइतबार मेयरमा ११ जना र उपमेयरमा ६ जना आकांक्षीहरूको नाम सिफारिस गरेको छ। 

नेकपा एमाले धरान नगर कमिटीको तेस्रो पूर्ण बैठकले मेयर र उपमेयरका आकंक्षी उम्मेदवारहरूको नाम सिफारिस गरेको नेकपा एमाले धरान नगर कमिटीका सचिव सुदेश चापागाईँले बताए । 

मेयरमा पूर्व नगर प्रमुख मनोजकुमार मन्याङ्बो,बहालवाला उपमेयर मञ्जु भण्डारी सुबेदी, विजयकुमार राई, मोतीराज सुनुवार, किशोरकुमार कार्की, मीनकुमार सुब्बा, नारायण प्रसाद सुबेदी, राजमणि निरौला, तीर्थ मास्के, दोर्पध्वज राई र प्रकाश राईको नाम सिफारिस गरेको छ। 

यसैगरी उपमेयरका लागि ६ जनाको नाम सिफारिस भएको छ । जसमा सविता चाम्लिङ राई, सुशीला पहाडी, लहरुमाया जिमी, पदमप्रसाद लिम्बु, इन्द्रकला राई र लीला राईको नाम सिफारिस भएको छ । 

नेकपा एमाले धरान नगर कमिटीले मेयर र उपमेयरका आकंक्षीहरुको नाम जिल्ला कमिटीमा सिफारिस गरेर जिल्लाले चैत्र ३० गते सम्ममा प्रदेश र केन्द्रमा आकंक्षीहरुको नाम सिफारिस गरेर पठाउने र वैशाखको पहिलो साता सम्ममा उम्मेदवार तोकिने बताइएको छ।