धरान : विश्वमा सबै भन्दा कम उमेरमा न्युजिल्याङकी प्रधानमन्त्री निर्वाचित भएर चर्चामा आएकी जेसिन्डा अर्डर्नले आउँदो आम चुनाव अगावै प्रधानमन्त्री पदबाट राजीनामा दिने र चुनावमा उम्मेदवार नबन्ने घोषणा गरेकी छन् । न्युजिल्याण्डमा यसै वर्ष अक्टुवरमा संसदीय आम चुनाव हुँदै छ ।   
आउँदो फेब्रुअरी सम्ममा लेवर पार्टीको नेता पदबाट राजीनामा दिएर नेतृत्व चयनका लागि मार्ग प्रशस्त गर्ने बताउँदै उनले प्रधानमन्त्री पदमा काम गर्नु चुनौतीपूर्ण रहे तापनि अब बाँकी समयमा योगदान दिने कुनै काम रहेको नलागेकोले आउँदो चुनावमा उम्मेदवार नबन्ने निर्णय गरेको घोषणा गरेकी छन् । 
प्रधानमन्त्री जेसिण्डाको भनाई उद्धृत गर्दै बिबिसीले लेखेको छ ‘मलाई कार्यकाल पुरा गर्दा केही काम बाँकी रहन्छ होला भन्ने मैले सोचेको थिएँ, तर यस्तो भएन । यदि अब पनि पदमा बसिरहेँ भने न्युजिल्याण्डलाई नोक्सान हुन्छ ।’
उनी सन् २००८ मा लेबर पार्टीबाट संसद् सदस्य बनेकी थिइन् । अगस्त २०१७ मा उक्त पार्टीको नेता निर्वाचित भइन् । सोही वर्ष उनी गठबन्धन सरकारको प्रधानमन्त्री चयन भइन् । सन् १९८० मा जन्मेकी जेसिण्डा ३७ वर्षको उमेरमा विश्वकै पहिलो महिला प्रधानमन्त्री बनेकी थिइन् ।