धरान : टर्कीको दक्षिणी क्षेत्र सिरियाको सिमाना नजिक आज बिहान ४ बजेर १७ मिनेटमा शक्तिशाली भूकम्प गएको छ। भूकम्पमा मृत्यु हुनेको सङ्ख्या अहिले सम्म १२०० नाघेको बिबिसीले जनाएको छ । घट्नामा ५ हजार ३८३ जना घाइते भएको तुर्कीको राष्ट्रपति रेजेप ताइयीप एर्दोआनले एक सन्देशमा जनाएका छन् ।
उनले यो राष्ट्रिय आपतकालिन अवस्थामा बचाउ, उद्धार र राहत कार्य द्रुत गतिमा भइरहेको बताएका छन् । भूकम्पमा मृत्यु हुनेको सङ्ख्या कति बढ्न सक्छ अनुमान लगाउन कठिन भएको राष्ट्रपतिको कथन छ । भूकम्प ७ दशमलव ५ रेक्टरको भएको युएसजीएस साइन्स फर ए चेञ्जिङ वल्र्डले मापन गरेको छ ।   
पहिले भूकम्पको सामान्य कम्पन महसुस गरिएको थियो । लगत्तै आएको शक्तिशाली भूकम्पले तहसनहस गरेको हो । ठुलो झट्का पछि एक घण्टा अघि सम्म ४० भन्दा बढी बढी पराकम्प गएको टर्की आपतकालिन उद्धार एजेन्सीले जनाएको छ । भूकम्पको झट्का सिरिया, लेबनान, साइप्रस, इजरायल, प्यालिस्टाइनमा पनि महसुस गरिएको थियो ।