धरान : आज मङ्गलवार बिहान चीनको तिब्बत केन्द्रबिन्दु भएर गएको ६ दशमलव ८ मेग्नीच्युटको भूकम्पमा अहिले सम्म ३२ जनाको मृत्यु भएको ३९ जना घाइते भएको सूचना प्राप्त भएको चिनिया समाचार संस्था सिन्व्हाले जनाएको छ ।

भूकम्प छिजाङ स्वायत्त क्षेत्रको छिङजे सिटीको डिङग्री काउन्टी केन्द्रबिन्दु भएर गएको चिनिया भूकम्प नेटवर्क सेन्टरले जनाएको समाचारमा उल्लेख छ ।

बीबीसीका अनुसार अमेरिकी भू-वैज्ञानिक सर्वे युएसजीएसले चीनको तिब्बत केन्द्रबिन्दु रहेको भूकम्पको तीव्रता ७ दशमलव १ रहेको जनाएको छ । युएसजीसले नेपालको खुम्बु क्षेत्रमा उक्त भूकम्पको तीव्रता ४ दशमलव ८ रहको रेकर्ड गरेको छ ।