_1735354691.gif)
धरान : धरानको पहिलो राष्ट्रिय बास्केटबल प्रतियोगिता ‘हराइजन रनिङकप राष्ट्रिय बास्केटबल’को ९औँ संस्करण भोलि शनिवार धरान-१७ स्थित श्री मावि स्थित हराइजन बास्केटबल कोर्टमा सुरु हुने भएको छ ।
आयोजक हराइजन क्लबद्वारा शुक्रवार आयोजित पत्रकार सम्मेलनमा पूर्व अध्यक्ष वसन्त राईले उक्त जानकारी दिएका हुन । प्रतियोगितामा सहभागी कुल ६ टिम बिच २ समूहमा लिग प्रणालीमा प्रतिस्पर्धा हुनेछ ।
खेल चैत ९ देखि १२ गते सम्म हुने दुई समूहका विजेता बिच हुने खेलबाट २ समूह विजेता फाइनल खेल पुग्ने छन् ।
प्रतियोगितामा सहभागी ६ वटा टिमहरू त्रिभुवन आर्मी, बिशाल मिलन केन्द्र काठमाडौँ, हाउण्ड बास्केटबल, मोरङ बास्केटबल सङ्घ, झापा बास्केटबल सङ्घ, धरान निला र धरान रातो रहेको बताइएको छ ।
प्रतियोगिताको विजेताले ट्रफी सहित नगद १ लाख ५१ हजार १ सय ११ रुपैयाँ र उपविजेताले ७५ हजार रुपैयाँ प्राप्त गर्ने छन् । पुरस्कार राशि गत वर्षको तुलनामा यसपालि वृद्धि गरिएको पूर्व अध्यक्ष राईले बताए ।
सर्वोत्कृष्ट खेलाडीले नगद २५ हजार, उदयीमान खेलाडीले १० हजार पाउनेछन् भने हरेक खेलको म्यान अफ दि म्याचलाई पनि नगद पुरस्कार प्रदान गरिने छ ।
प्रतियोगिताको संयोजक धरान उपमहानगरपालिका रहेको छ । धरान-१७ वडा कार्यालयको विशेष सहयोगमा हराईजन कप बास्केटबल धरानमा बास्केटबल खेलाडीहरूको प्रतिष्ठाको अवसर रहँदै आएको छ ।
हराइजन क्लबद्वारा २०६९ सालदेखि सुरु भएको प्रतियोगिता धरानमा आयोजना हुने अन्तर क्लब बास्केटबलको पहिलो प्रतियोगिता हो ।
प्रतियोगिताले बास्केटबलको क्षेत्रमा धरानबाट राष्ट्रिय कोच, रेफ्री र खेलाडीहरू उत्पादन गरेको गौरवमय इतिहासहरू रहेको पूर्व अध्यक्ष राईले बताए । उनले भने ‘बास्केटबल खेललाई रोजगारी र व्यावसायिकरण गर्न प्रतियोगिताले महत्त्वपूर्ण भूमिका खेल्दै आएको छ ।’
_1664681437.jpg)
