धरान उपमहानगरद्वारा तीनकुने सुन्दरबस्ती जग्गा एकीकरण आयोजना स्थल खालीगर्न ७ दिने सूचना असोज पहिलो साताबाट काम सुरु हुने

  • भदौ २९, २०७७
  • २२६२ पटक पढिएको
  • कपुरी न्यूज
alt

धरान : धरान-८ स्थित तीनकुने सुन्दर बस्ती जग्गा एकीकरण आयोजना स्थलमा बसपार्क निर्माणकालागि काम सुरु हुने भएको छ ।

धरान उपमहानगरपालिकाले जग्गा धनीहरूलाई आयोजना स्थलमा लगाएको बाली हटाउने बारे ७ दिने सूचना जारी गरेको छ । सो क्षेत्रमा बसपार्क तथा सडक लगायतका पूर्वाधारहरू निर्माण गर्ने सम्बन्धमा आयोजना स्थलका सडकहरू निर्माण गर्नको लागि ड्रोईङ्ग, डिजाइन, स्टमेट सहित डिपिआर तयार गर्न सडक, ब्लक र जग्गाधनीहरूको जग्गा सिमाङ्कन गर्ने कार्य गर्नुपर्ने जनाउँदै सो सूचना जारी गरिएको धरान उपमहानगरपालिकाका सूचना अधिकृत खगेन्द्र खतिवडाले बताए ।

१३ बिघा क्षेत्रफल रहेको सो स्थानमा अहिले बाली लगाइएको छ । यही असोज पहिलो हप्ताबाट स्थलगत रूपमा बस पार्कको डिपिआर सुरु गरी कार्य प्रारम्भ गर्न लागिएको बताइएको छ । आयोजना स्थलमा लगाइएको बालीनाली तथा बोटविरुवाहरुले जग्गा नाप जाँच र सिमाङ्कन गर्न नमिल्ने भएको हुँदा सूचना प्रकाशन गरिएको मितिले ७ दिनभित्र आफै खाली गर्न सूचनामा सूचित गरिएको छ ।

सूचना जारी गरिएको ७ दिन भित्रमा जग्गा खाली नगरिए नगरपालिका आफैले खाली गरी कार्य गर्नुपर्ने हुँदा सम्बन्धित महानुभावहरूलाई जानकारीको लागि ७ दिने सूचना जारी गरेको अधिकृत खतिवडाले बताए । सर्भे र सिमाङ्कनको कार्य समाप्त भएपछि सम्बन्धित जग्गाधनीलाई आ-आफ्नो जग्गा देखाई जानकारी गराउने पनि सूचनामा उल्लेख गरिएको छ ।

Bus-Park-Suchana

dharan-smart-buspark2

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved