धरानका सहकारीले बदमासी गरेको गुनासो बढेपछि मेयर राईको सक्रियता सहकारीको बारेमा सुसूचित भएर मात्र सदस्यता लिन आग्रह

  • भदौ १३, २०७८
  • ३०५९ पटक पढिएको
  • कपुरी न्यूज
alt

धरान : धरान उपमहानगरपालिका कार्यक्षेत्र रहेका सहकारीहरूले बदमासी गरेको विषयमा गुनासो बढेपछि मेयर तिलक राईले सक्रियता बढाएका छन् । निक्षेपकर्ताको रकम हिनामिना हुने गरेको, समयमै रकम फिर्ता नगरेको जस्ता गुनासा आएकोले समयमै त्यस्ता गतिविधि सुधार्ने मेयर राईले अपिल गरेका हुन् ।

आइतबार एक अपिल जारी गर्दै उनले धरानमा जथाभाबी कलेक्टरहरुका माध्यमबाट रकम उठाउने कार्यहरू भइरहेको उल्लेख गरेका छन् । 'सहकारी संस्थाको कार्यालय नै नखोली सञ्चालनमा रहेको र संस्थाको नामको वोर्डमात्र राखेर कारोबार गर्ने गरेको पाइएको छ । सहकारी संस्थाहरूले सहकारी ऐन तथा नियमावलीले गरेको ब्यवस्थानुसारको प्रक्रियाहरू पालना नगरेको जस्ता गुनासाहरूले व्यापकता लिइरहेको छ' अपिलमा भनिएको छ ।

गुनासा र निक्षेपकर्ताहरुको निवेदनहरूमा नगर प्रमुखका हैसियतले यस्ता विषयहरूमा ध्यानाकर्षण भएको उनले बताएका छन् । साथै नगरवासीहरूमा सहकारी सेयर सदस्य रहँदा र सम्बन्धित सहकारीमा सेयर सदस्यले बचत गर्दा सम्बन्धित सहकारीको गतिविधि तथा प्रतिष्ठाका बारेमा सुसूचित भएर मात्र सदस्यता लिन आग्रह गरेका छन् ।

सम्बन्धित सरोकारवाला सहकारीले ध्यान नदिए उपमहानगरपालिकाको सहकारी ऐन २०७५ र मौजुदा कानुनी व्यवस्था अनुसारको कारबाही गरिने बारे सचेत गराएका छन् ।

sahakari-thagi-letter

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved