लघुवित्तको रकम लिएर बचत समूहकी अध्यक्ष फरार, सदस्यहरू तनावमा

  • चैत्र ७, २०७६
  • ६५४ पटक पढिएको
  • सुदिप अधिकारी
alt

झापा - झापाको दमक-३ स्थित सुकुम्वासी बस्तीका महिलाहरू आफ्नो बचत समूहकी अध्यक्ष बेपत्ता भएपछि ऋणमा चुर्लुम्मै डुबेका छन् ।

सहारा नेपाल, जीवन विकास संस्था, फरवार्ड लगायतका लघुवित्त एवम् अन्य समूहहरूबाट सामूहिक जमानीमा ऋण लिएका उनीहरू अध्यक्षले लिएको लाखौँ रुपैयाँ तिर्नु पर्दा सङ्कटमा परेका हुन् । बचत समूहकी अध्यक्ष धनकुमारी मगर गत पुस १५ गते देखि बेपत्ता छिन् । उनले ती लघुवित्त, स्थानीय समूह तथा छरछिमेक तथा आफन्तबाट समेत १० लाख रुपैयाँ भन्दा बढी ऋण लिएको स्थानीयले बताए ।

अध्यक्ष मगरको खोजी गरी दिन इलाका प्रहरी कार्यालय दमकमा जानकारी गराएको भए पनि आफूहरूले खोज्न नसक्ने जवाफ दमक प्रहरीले दिएको पीडितहरूको गुनासो छ । लघु वित्त संस्थाहरूले सामूहिक जमानीमा ऋण दिने र एक जनाले नतिरे अन्य सदस्यले दामासाहीले तिर्नु पर्ने नियम बनाएका कारण बाँकी सदस्यहरू ऋणको भारमा परेका हुन् ।

अधिकांश सदस्यहरू मजदुरी गरेर जीविकोपार्जन गर्दै आएका छन् । तर लघुवित्तबाट रकम सङ्कलनमा आउने सङ्कलकले बेपत्ता सदस्यको समेत किस्ता नबुझी नजाने अडान लिएर बस्दा बाध्य भएर तिर्नु पर्ने सदस्यहरूले गुनासो गरेका छन् । बेपत्ता भएकी मगरका श्रीमान् वैदेशिक रोजगारीमा रहेका छन् । बुहारी कहाँ र किन गइन आफूहरूलाई केही थाहा नभएको मगरका ८४ वर्षीय ससुरा खिन्न बहादुरले बताएका छन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • बिनय बाह्रकोटी (ईटहरी)
  • कृष्ण 'बहाब' भट्टराई (इटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • बिज्ञापन प्रमुख सुजन खत्री (९८०७०९२०९७)

Copyright © 2018 / 2020 - Kapurinews.com All rights reserved