धरान: बास्केटवल खेलमा परिचित धरान १७ स्थित होराइजन क्लबको दोस्रो अधिवेशनबाट नयाँ कार्यसमिति चयन भएको छ ।
अधिवेशशनले वसन्त राईको अध्यक्षतामा ९ सदस्यीय कार्यसमिति सर्वसम्मत छनौट गरेको हो । समितिको उपाध्यक्षमा ममता राई, सचिवमा सूर्यकुमार सुनुवार, सहसचिवमा रिमला राई र कोषाध्यक्षमा सुविक्षा राई रहेकय छन् ।
यसैगरि सदस्यहरुमा किसन राई, अनिल राई, हेमन्त राई र रवि बाँस्फोर पनि सर्वसम्मत चयन भएका छन् । क्लबका अध्यक्ष बालकृष्ण सुनुवारको अध्यक्षतामा आयोजित उद्घाटन सत्रमा वडा नं १७ का अध्यक्ष सूर्यबहादुर भट्टराई (मनोज भट्टराई) प्रमुख अतिथि रहेका थिए ।
कार्यक्रममा सल्लाहकार श्रीभक्त राई, मचिन्द्र राई, चन्द्रबहादुर मगर, बिनादेवी राई, सन्तोष राईलगायतको पनि उपस्थिति रहेको थियो । क्लबले विद्यालय तहबाटै बास्केटबल खेललाई परिचय गराउँदै अघि बढ्ने भावी योजना बनाएको जनाएको छ ।
नवनिवार्चित अध्यक्ष राईले खेलकुदका गतिविधिहरुसँगै वृक्षरोपण र रक्तदान लगायत सामाजिक कार्यलाई पनि अघि बढाउने बताए । क्बललाई अघिल्लो कार्य समितिले १ लाख ४५ हजार नगद जम्मा गरिदिएको छ ।