इनरुवा : मोटरसाइकल दुर्घटना हुदाँ सुनसरीको कोशी गाउँपालिका–३ मा बिहीबार १ जनाको मृत्यु भएको छ ।

कोशी गाउँपालिका–६ श्रीपुरजब्दीका महेश खङ्गको दुर्घटनामा परी मृत्यु भएको प्रहरी नायब उपरीक्षक ज्ञानेन्द्रप्रसाद फुयालले बताए । पूर्वबाट पश्चिमतर्फ जाँदै गरेको को ३३ प ७७१७ नम्बरको मोटरसाइकल अनियन्त्रित भई दुर्घटना हुँदा खङ्ग गम्भीर घाइते भएका थिए । उनको उपचारका क्रममा विराटनगरमा मृत्यु भएको प्रहरीले जनाएको छ ।