ह्वाइट हाउस कलेजद्वारा धरानमा निःशुल्क मास्क वितरण

धरानः ह्वाइट हाउस कलेजले धरानमा करिब एक हजार मास्क वितरण गरेको छ ।

कोरोनाविरुद्ध हाम्रो अभियान नारासहित धरानस्थित व्हाइट हाउस कलेज धरानमा बिहीबारदेखि निःशुल्क मास्क वितरण अभियान थालेको हो । ‘निःशुल्क मास्क तथा डिटोल सावुन वितरण गरियो’, सिइओ अरुण प्रधानले भने, ‘बिहीबार नै करिब हजार मास्क वितरण गरिएको प्रधानले बताए ।

सिइओ प्रधानले कलेजले बिहीबारदेखि शुरु हुने भनिएको एसइईको प्रत्येक परीक्षा केन्द्रमा पनि यसरी नै मास्क तथा डिटोल साबुन बाँड्ने लक्ष्य राखिएको तर परीक्षा स्थगित भएर विद्यार्थीहरुलाई बाँडन नपाएकोमा पछुतो मान्दै भने, ‘यसरी परीक्षा स्थगित हुने थाहा भएको भए केही दिन अगाडिदेखि नै बाँडने योजना गर्ने थियौं ।’

जनचेतनाको अभाव भएका र सहजै मास्कको पहुँच भन्दा टाढा भएका वर्गहरुमा गएर मास्क बाँडने तथा करोना भाइरस सम्बन्धी जनचेतना जगाउने लक्ष्य रहेको प्रधानले बताए । यो अभियानलाई निरन्तरता दिँदै धरानको विभिन्न स्थान, इटहरी, इनरुवा, बेलबारी लगायत आफूहरुले भ्याउने सम्म स्थानमा मास्क वितरण गर्ने योजना रहेको प्रधानले बताए ।

प्रारम्भमा व्हाइट हाउसका विद्यार्थीहरूलाई मास्क वितरण गर्दै अभियान शुरु गरिएको थियो । भुजेल समाजका केन्द्रीय उपाध्यक्ष राजकुमार भुजेलको प्रमुख आतिथ्यमा सम्पन्न कार्यक्रम मा समाजसेवी सुरेन भुजेल, व्हाइट हाउसका तर्फबाट अरुण प्रधान, रविन श्रेष्ठ, पोशन श्रेष्ठ, उवित थापा, ओम रिमाल, सुजन श्रेष्ठले मास्क वितरण गरेका थिए ।
कलेजकै टोलीले बिहीबार नै धरान-३ स्थित सरस्वती बाल अनाथ आश्रममा गएर मास्क वितरण गरेको थियो । आश्रमका अध्यक्ष दानबहादुर राईको प्रमुख आतिथ्यमा सम्पन्न सो कार्यक्रममा निवर्तमान अध्यक्ष नैनकला न्यौपाने, उपाध्यक्ष विष्णुकुमार राई, रुक्मणी मास्के वडा नं. ३ का वडा सदस्य हरि शाही, महासचिव मनिष खड्गीको उपस्थितिमा मास्क वितरण गरिएको थियो । कलेजको टोलीले त्यहाँ रहेका बालबालिका, कर्मचारी, शिक्षकलाई मास्क तथा डिटोल साबुन वितरण गरेको थियो । ‘कोरोनाको महामारी भएर मास्क नपाइरहेको यस्तो अवस्थामा व्हाइट हाउस धरानले यसरी मास्क तथा साबुन बाँडेर एकदमै सह्रानीय काम गरेको आश्रमका अध्यक्ष दानबहादुर राईले धन्यवाद ज्ञापन गरेका थिए ।

कलेजका सिइओ अरुण प्रधानले हात कसरी धुने, कोरोनाको लक्षण तथा यसबाट अपनाउनुपर्ने सावधानी बारेमा जानकारी दिएका थिए । कार्यक्रममा बोल्दै वडा अध्यक्ष पूर्ण लिम्बुले नेपालमा अहिलेसम्म करोना भाइरस नफैलिएको तर सचेत रहने बेला आएको बताए  ।

धरान कोरोना संक्रमणबाट जोगिन मास्क लगाउनुपर्ने हुन्छ । तर, अहिले बजारमा मास्क पाइदैन । कतिपय व्यापारीहरुले कालोबजारी पनि गरिरहेका छन् । मास्क वितरणको लागि व्हाइट हाउसले आफ्नै स्रोतबाट गर्दै आएको छ । ‘कोही सहयोगी दाताहरुले सहयोग गर्नु चाहे वहाँहरुले पनि यो कार्यमा सहयोग गर्न सक्नु हुनेछ ।’ उनले भने । शुक्रबार धरानको अन्य स्थानमा र शनिवार सहयोगी भित्ता र चलचित्रकर्मी महासंघ प्रदेश न १ को सहयोगमा इटहरीको मुसहर वस्तीमा मास्क तथा साबुन बाँड्ने योजना रहेको प्रधानले सुनाए ।