धरान :  चतरा-बराहक्षेत्रधाम जोड्ने सडक अन्तर्गत वराहक्षेत्र १ स्थित १७ नम्बरमा खसेको पहिरो पन्छाउने क्रममा माथिवाट ढुङ्गा खस्दा तल यात्रा गरिरहेका एक जना पैदल यात्रीको ज्यान गएको छ भने २ जना पैदलयात्री घाइते भएका छन् ।

पहिरो पन्छाउने क्रममा माथिवाट एक्कासी ढुइ्गा खस्दा भोजुपर हाईखराङ्का २२ बर्षिय पुरुष राजकुमार राईको घटना स्थलमै मृत्यु भएको हो भने खाइखराङ्गकै करिब १३ बर्षिय अजय राई र करिव २२ बर्षिय शंकर राई घाइते भएका हुन् ।

घाइते दुई जनालाइ उपचारका लागि धरान स्थित बिपि कोइराला स्वास्थ्य बिज्ञान प्रतिष्ठान पढाइएको इलाका प्रहरी कार्यलय चतराले जानकारी दिएको छ ।

घाइते मध्य १३ बर्षिय अजय राईको गम्बिर अवस्था रहेको छ भने मृत राजकुमारको शरीरलाइ पोष्टमाटमको लागि धरान बिपि कोइराला स्वास्थ्य बिज्ञान प्रतिष्ठान धरान पठाएको छ । स्काइभेटर र चालकलाई प्रहरीले नियन्त्रणमा लिएको प्रहरीले जनाएको छ ।