धरान : कोसी अस्पताल विराटनगरमा उपचारका लागि ल्याइएका कोरोना सङ्क्रमण आशङ्का गरिएका एक जना बिरामीको मृत्यु भएको छ ।

उदयपुरको बेलका नगरपालिका १ का ५५ वर्षीय पुरुषलाई गए राति साढे १२ बजे उपचारका लागि अस्पताल ल्याईपुर्याईएकोमा उनको अस्पतालमा भर्ना गर्नु पहिले नै मृत्यु भएको कोसी अस्पतालका मेडिकल सुपरिटेन्डेन्ट डा. चुमनलाल दाशले बताए ।

उनमा श्वास फेर्न गाह्रो भएको, वाकवाकी लाग्ने र ज्वरो आएकोले कोरोना आशङ्का गरिएको हो । मृतकलाई अहिले कोसी अस्पतालको आइसोलेसन वार्डमै राखिएको छ भने स्वाब लिई सकिएको छ । स्वाबको रिपोर्ट आए पछि कोरोना नेगेटिभ आएको खण्डमा मात्रै मृतकका आफन्तलाई शव बुझाउने र पोजेटिभ आएमा सरकारी प्रोटोकल अनुसार शव व्यवस्थापन गर्ने मेसु डा. चुमनलाल दाशले बताए ।