झापा : झापाको बुधबारे जेसीजले कोरोना सङ्क्रमितको उपचारका लागि आर्थिक सहयोग गरेको छ ।

बुद्धशान्ति गाउँपालिकाले सञ्चालनमा ल्याएको आइसोलेसन केन्द्रमा रहेको सङ्क्रमितको उपचारमा सहयोग पुगोस् भनेर बुधबारे जेसीजले आज २५ हजार रुपैयाँ सहयोग गरेको हो ।

सो रकम बुद्धशान्ति गाउँपालिकाका अध्यक्ष रमेश भुजेललाई हस्तान्तरण गरिएको कार्यक्रमका संयोजक समेत रहेका बुधबारे जेसीजका उपाध्यक्ष विनोद रिजालले जानकारी दिए ।

रकम लिँदै गाउँपालिका अध्यक्ष भुजेलले कोरोना सङ्कटका बेला बुधबारे जेसीजले खेलेको भूमिका र गरेको सहयोगको प्रशंसा गरेका छन् ।

रकम हस्तान्तरण कार्यक्रममा बुधबारे जेसीजका अध्यक्ष अनिल वाग्ले, पूर्व अध्यक्ष सेमन्त पोखरेल, रमेश बराल, निवर्तमान अध्यक्ष नन्दकुमार याफू राई, कानुनी सल्लाहकार गजुहाङ योङहाङ, उपाध्यक्ष अनिल घिमिरे लगायतको उपस्थिति रहेको बुधबारे जेसीजका महासचिव सुजित बरालले बताएका छन् ।

बुधबारे जेसीजले हिजो कोरोना परीक्षणकालाई एन्टिजन टेस्ट किट गाउँपालिकालाई प्रदान गरेको थियो भने कोरोना नियन्त्रणका लागि विभिन्न कार्यक्रमहरू गर्दै आएको छ ।