 (13)_1727965004.gif)
धरान : तराई मधेसमा धूमधामका साथ मनाइने छठ पर्व पछिल्लो समय धरानमा पनि धूमधामले मनाउन थालिएको छ ।
कोरोना महामारीको कारण यस भन्दा अघिको वर्षमा घरघरमा मात्रै सीमित रहेको छठ पर्व यस पटक धरानमा धूमधामका साथ अस्ताउँदो सूर्यलाई अर्घ्य दिएर मनाइएको छ।
धरानको पूर्व भई बग्ने सेउती खोला र पश्चिम भई बग्ने सर्दु खोलामा आज हजारौँले अस्ताउँदो सूर्यलाई अर्घ्य दिएर छठ पर्व मनाएका छन्। तराइवासीमा मात्रै सीमित रहेको यो पर्व पछिल्लो समय धरानमा साझा पर्व जस्तै बन्दै आएको छ ।
आज धरानको सर्दु र सेउती खोलामा छठ पर्व मनाउनेहरूको हजारौँको सङ्ख्यामा उपस्थिति देखिन्थ्यो ।
