इटहरी । नेपाली काँग्रेसका केन्द्रीय सदस्य राजीव ढुङ्गानाले देवानगन्ज गाउँपालिकालाई अक्सिजन कन्सन्ट्रेटर उपलब्ध गराएका छन् । सुनसरीको विकट क्षेत्र मानिएको देवानगन्जका नागरिकको स्वास्थ्योपचार सहज बनाउनको लागी कन्सन्ट्रेटर सहित स्वास्थ्य सामग्री उपलब्ध गराएका हुन् ।
बिहीबार गाउँपालिकाको २ नम्बर वडा कार्यालयमा पुगेर ढुङ्गानाले सामग्री हस्तान्तरण गरेका हुन् । नेपाली काँग्रेस महाधिवेशन प्रतिनिधि विकास केसी सहित पुगेका उनले सुगम जिल्लाको दुर्गम क्षेत्रका नागरिकको लागि सहयोग गरेको बताए । आगामी दिनमा निम्तिन सक्ने स्वास्थ्य समस्यामा अक्सिजनको अभावले अकालमा ज्यान जानबाट बचाउन आफूले सानो पहल गरेको उनको भनाई छ । आगामी दिनमा पनि ग्रामीण क्षेत्रको विकाशमा काँग्रेसको तर्फबाट र आफ्नो व्यक्तिगत तर्फबाट सहयोग जारी राख्ने प्रतिबद्धता जनाए ।
स्वास्थ्य सामाग्री बुझ्दै गाउँपालिका अध्यक्ष लाली प्रसाद मेहताले ढुङ्गानालाई धन्यवाद दिए । गाउँपालिकाले चाहेर पनि गर्न नसकेका क्षेत्रमा दाताहरूले सहयोग गरेकोमा उनले आभार भएको भनाई राखे । आगामी दिनमा पनि सहयोग पाउने अपेक्षा सहित आफूहरू आशावादी भएको मेहताले बताए ।
