- अर्जुन काफ्ले
पथरी : तेस्रो पथरीशनिश्चरे प्रीमियर लिग क्रिकेटको सोमबारको खेलमा बुद्ध युनाइटेड र हिसाब किताब ट्राइडेन्स विजयी भएका छन् ।
वर्षाले प्रभावित भएपछि १० ओभरमा घटाइएको खेलमा बुद्ध युनाइटेडले वीरेन्द्रनगर स्टिल टाइगर माथि ४ विकेटको जित हासिल गरेको छ ।
निर्धारित १० ओभरमा वीरेन्द्रनगरले सबै विकेट गुमाएर ४५ रन बनायो । वीरेन्द्रनगरका लागी बिराज ढकालले १२ रन बनाउनु बाहेक अन्यले दोहोरो रन बनाउन सकेनन् । बुद्ध युनाइटेडका राजकुमार मगरले २, सुदिप चौधारी र राजु राईले २-२ विकेट लिन सफल भए ।
४६ रनको लक्ष्य ९ ओभर ५ बलमा ६ विकेट गुमाएर बुद्धले भेटायो । बुद्धका राकेश राईले २१ रन बनाएर खेल आफ्नो पक्षमा पारे । बिरेन्द्रनगरका अमर नेपाली र युवराज बस्नेतले २-२ विकेट लिए । प्रनेश राई र रेवत थक्सुले १-१ विकेट लिए । खेलको म्यान अफ दि म्याच बुद्धका राकेश राई घोषित भए ।
दोस्रो खेल पनि वर्षाका कारण १७ ओभरमा घटाइएको खेलमा हिसाब किताब ट्राइडेन्सले आइतबारे अस्त्र माथि १७ रनको जित हासिल गर्यो । टस हारेर ब्याटिङ गरेको हिसाब किताबले १७ ओभरमा ८ विकेट गुमाएर १०६ रन बनायो । हिसाब किताबका लागी सञ्जय पेक्रा र सबिन धमलाको समान २४-२४ रन बनाए । सुरज खडकाले २१ रन बनाए भने पुरुषोत्तम न्यौपानेले १६ रन जोडे ।
आइतबारेका सञ्जय मुर्मुले ३ तथा आदर्श कार्की र मौसम लिम्बुले १ १ विकेट लिए । जबाफी ब्याटिङ थालेको आइतबारेले १७ ओभर खेल्दै ८९ रन बनायो । आइतबारेका लागी दिवस राईले २४ रन सुशील काफ्लेले २१ र द्रोणजंग काफ्लेले २१ रन बनाए पनि जितका पर्याप्त भएन ।
हिसाबकिताबका पुरुषोत्तम न्यौपाने र दिवस राजवंशीले २ विकेट लिए भने नेल्सन दंगाल, सुरज खडका र कैलाश श्रेष्ठका नाममा १ विकेट रह्यो । खेलको म्यान अफ दि म्याच हिसाब किताबका पुरुषोत्तम न्यौपाने घोषित भए ।
मङ्गलवारको खेल रोयल किङ र मङ्गलवारे लिजेन्ड र दोस्रो खेल क्लासिक इलाभेन हसन्दह र सात बाघ बिच हुने आयोजकले जानकारी दिएको छ ।
