 (13)_1727965004.gif)
- रश्मि प्रधान
धरान: धरान उच्च कलेजका विद्यार्थीहरूको स्टुडेन्ट सोसाइटीद्वारा आयोजित अन्तर सङ्काय फुटसलको उपाधि पुरुष तर्फ कक्षा १२ र छात्रातर्फ बिबिएले चुमेको छ । प्रतियोगिताको फाइनलमा छात्र टिमको खेलमा कक्षा १२ ले बिबिए डिसिएम सोसाइटीलाई ३–० गोलको अन्तरले पराजित गरेको थियो ।
त्यसै गरी छात्रातर्फको खेलमा कक्षा ११ लाई ०-१ गोलले हराउँदै बिबिए सङ्काय विजेता वनेको हो । बिबिएकी शर्मिला राईले टिमबाट गोल गरेकी थिइन् । उनको गोल नै खेलको निर्णायक वनेको थियो । प्रतियोगितामा १२ टिमले सहभागी थिए ।
खेलमा उत्कृष्ट गोलकर्ता डिसिएम सोसाइटीका प्रनिश राई घोषित भए । वेस्ट गोलकिपर विवश श्रेष्ठ घोषित भए । पुरुष तर्फको विजेता टिमले नगद ८ हजार ट्रफि, मेडल र प्रमाण पत्र प्राप्त गरे । उपविजेता टिमले नगद ५ हजार प्राप्त गर्यो ।
विजेता टिमलाई समापन कार्यक्रममा प्रमुख अतिथि पत्रकार महासङ्घ सुनसरीका सहसचिव भोला श्रेष्ठ र वीरेन्द्र मेमोरियल कलेजका प्रिन्सिपल तारा बहादुर निरौलाले पुरस्कार प्रदान गरे । विद्यार्थीहरूको शारीरिक, मानसिक सक्रियताका लागि खेलकुद जरुरी भएकोले प्रतियोगिता आयोजना गरेको सोसाइटीका सदस्य प्रमुख प्रथम अग्रवालले बताए ।
