धरान : धरान-१२ स्थित एम्स एकेडेमीको आयोजनामा सम्पन्न पहिलो एम्स एसइई फुटसल प्रतियोगिताको उपाधि धरान-१५ स्थित नवज्योति स्कुलले हात पारेको छ।
धरान-११ स्थित मितेरी फुटसलमा शनिवार सम्पन्न खेलमा धरान-१९ स्थित पर्वत सेकेण्डरी स्कुललाई ६-५ गोल अन्तरले हराउँदै नवज्योति स्कुलले उपाधि जितेको हो ।
विजेता बनेको नवज्योति स्कुलले १५ हजार रुपैयाँ नगद, ट्रफि र मेडल प्राप्त गरेको छ । त्यस्तै दोस्रो बनेको पर्वत स्कुलले १० हजार रुपैयाँ नगद, ट्रफि र मेडल हात पारेको छ।
विजेता खेलाडीहरूलाई प्रमुख अतिथि जिल्ला खेलकुद विकाश समिति सुनसरीका अध्यक्ष दीपक राई, एकेडेमीका प्राचार्य मित्र तामाङ, एन्फा सुनसरी अध्यक्ष नवीन राई, धरान रनका अध्यक्ष रमु राई, ट्रायाथोलन धरानका अध्यक्ष डा.समीर चौधरी, सेपाक ताक्रो सुनसरी सचिव अमिर राईले पुरस्कार वितरण गरे ।
यसअघि शुक्रवार सम्पन्न सेमिफाइनल खेलमा सेन्ट जोसेफलाई हराउँदै पर्वत स्कुल फाइनलमा पुगेको थियो । त्यस्तै विष्णु मेमोरियललाई हराउँदै नवज्योति स्कुल फाइनलमा पुगेका थियो । प्रतियोगितामा धरानभरिका १८ विद्यालयका बिद्यार्थीहरुको सहभागिता रहेको कार्यक्रम संयोजक युवराज अधिकारीले जानकारी दिए ।
एसइई दिएर बसेका बिद्यार्थीहरुको खाली समयको सदुपयोग गर्दै खेलकुदमा रुचि राख्ने बिद्यार्थीहरुलाई मञ्च प्रदान गर्ने उद्देश्यले फुटसल प्रतियोगिता आयोजना गरेको एकेडेमीका को-अर्डिनेटर हेमन्त भण्डारीले जानकारी दिए।
_1664681437.jpg)