 (13)_1727965004.gif)
धरान : श्रीकृष्ण जन्माष्टमीको अवसरमा धरानको कृष्ण मन्दिरमा श्रद्धालुहरूको घुइँचो लागेको छ । त्यही घुइँचोमा कृष्णको भेषमा सजिएका बालबालिकाहरू पनि देखिन्छन् ।
परिवारको काखमा कृष्णको अवतारमा देखिएका यी अबोध बालबालिकाहरू भने न त कृष्णको बारेमा जानकार थिए न त द्वापरयुगको बारेमा । कृष्णको रूपमा देखिएका अबोध बालबालिकाको हातमा बाँसुरी थियो ।
द्वापरयुगमा कंसको अत्याचार बढेपछि त्यसबाट मानव जातिको उद्धार गर्न वासुदेव र देवकीको आठौँ सन्तानका रूपमा आजकै दिन श्रीकृष्णको जन्म भएको धार्मिक विश्वास छ । ज्ञान योग, कर्मयोग र भक्ति योगका प्रणेता मानिएका श्रीकृष्णको जन्म दिनको सम्झनामा आज उनको पूजा आराधना गरी जन्माष्टमी पर्व मनाउने गरिन्छ ।
धरानमा रहेका कृष्ण मन्दिरहरूमा पूजा गर्नेहरूको बिहानैदेखि लाइन छ । स्वयंसेवकहरूले उनीहरूलाई पालैपालो दर्शन गर्ने व्यवस्था मिलाएका छन् ।
