 (13)_1727965004.gif)
धरान : नेपाल आयल निगमले पेट्रोलको मूल्य प्रतिलिटर ११ रुपैयाँ घटाएको छ ।
आइतबार राति १२ बजेपछि लागू हुनेगरी निगमले मूल्य घटाएको हो ।
स्वचालित प्रणालीअनुसार मूल्य समायोजन गरिएको निगमले जनाएको छ ।
जसअनुसार डिजेलको मूल्य प्रतिलिटर ५ रुपैयाँ घटेको छ ।
अब काठमाडौं उपत्यकामा पेट्रोलको मूल्य प्रतिलिटर १७२ रुपैयाँ पर्नेछ भने डिजेलको मूल्य प्रतिलिटर १६८ रुपैयाँ पर्नेछ ।
कोशी प्रदेशमा भने पेट्रोलको मुल्य १६९ रुपैयाँ पचास पैसा र डिजेलको मुल्य १६५ रुपैयाँ पचास पैसा पर्नेछ ।
खाना पकाउने ग्यासको भाउ भने यथावत छ।
