_1749430366.gif)
धरान : उपमहानगरमा भए पनि पछाडिएको क्षेत्रमा रहेको धरान-६ स्थित रणदेवी आधारभूत विद्यालयका १०४ जना विद्यार्थीहरूलाई उपेक्षित उत्थान सरोकार केन्द्रले शैक्षिक सामाग्री वितरण गरेको छ । विद्यालयमा ग्रामीण विपन्न परिवारका छोराछोरी पढ्न आउँछन् ।
उनीहरूलाई कपि, कलम, अङ्ग्रेजी ग्रामर, पेन्सिल लगायत आवश्यक शैक्षिक सामाग्री वितरण गरिएको हो । दाता केन्द्रकी अध्यक्ष रेणुका विश्वकर्माका अनुसार वितरण गरिएका सामाग्रीको मूल्य ६० हजार रुपैयाँ बराबर रहेको छ ।
विद्यालयमा भएको कार्यक्रम बिच कोशी प्रदेश सभा सदस्य रमेश बस्नेतले शैक्षिक सामाग्री वितरण गरेका हुन । उक्त अवसरमा बस्नेतले विद्यालय स्थापनाकालदेखि नै सामाजिक योगदानमा सञ्चालित हुँदै आएको बताउँदै स्थायी शिक्षक दरबन्दी मिलान, नियमनको क्षेत्राधिकार स्थानीय तह उपमहानगरपालिको भएकोले अहिले सम्म ध्यान नपुग्नु दुःखको कुरा भएको बताए ।
वडा ६ का सदस्य राजेन्द्र न्यौपानेले विद्यालयलाई वडा कार्यालयले सहयोग गरिरहेको बताए । शिक्षक अभिभावक अध्यक्ष, संस्थापक प्रधानाध्यापक कुलबहादुर खनालले अहिले सम्म एउटा पनि स्थायी दरबन्दी नदिनु दुःखद भएको बताए ।
केन्द्रका सल्लाहकार लालबहादुर विश्वकर्माले संस्थाको उद्देश्य आफूले कमाएको सम्पत्तिको केही अंश र बचेको केही समयलाई समाजका लागि समर्पित गरौँ भन्ने रहे अनुसार सहयोग गरिएको बताए ।
प्रधानाध्यापक युवराज थापाले विपन्न विद्यार्थीलाई शैक्षिक सामाग्री प्रदान गर्ने कार्य देख्दा सानो कार्य भए पनि बालबालिकाको लागि ठुलो सहयोग भएको बताए । विद्यालयका सहयोगीहरू खेम विश्वकर्मा, सुभद्रा विश्वकर्मा, अम्बिका विश्वकर्माको उपस्थिति थियो ।
केन्द्रका कोषाध्यक्ष शिवराज विश्वकर्मा, सहसचिव अनन्तमान रम्तेल, सदस्य यादव प्रसाद लामिछाने, रिनिता राई, प्रमेश विश्वकर्मा, एलिन कोइराला पनि उपस्थित थिए ।
