धरान : सुनसरीको धरान उपमहानगरपालिका-१८ स्थित घोपा क्याम्प परिसरमा एक महिलाको हत्या भएको अवस्थामा शव फेला परेको छ ।

घोपा क्याम्पमा निर्माणाधीन नयाँ भवन क्षेत्रको खोचमा शव फेला परेको हो । घाटीमा चोट लागेको अवस्थामा करिब १९ वर्षीय युवतीको शव फेला परेको प्रहरी स्रोतले जनाएको छ । ‘अन्तै हत्या गरेर यहाँ फ्याँकिएको हुनसक्छ,’ स्रोतले भन्यो ।

घटनाको अनुसन्धानमा तालिम प्राप्त कुकुर परिचालन गरिएको छ । मृतकको अझैसम्म पहिचान खुल्न सकेको छैन ।