विराटनगर : विराटनगर-९ मा रहेको विराट क्याम्पस विराटनगरले रङ्गेली ३ बाबु साहेब टोलमा भएको आगलागीबाट पीडित भएका विद्यार्थीहरूको लागी राहत सहयोग स्वरूप चेक हस्तान्तरण गरेको छ ।
उक्त सहयोग नेपाल राष्ट्रिय शिक्षक सङ्गठन रङ्गेली नगर समितिका सहयोगी अभियन्ता तथा समितिका नगर सचिव हर्क बहादुर पौडेललाई सात हजार पाँच सय रुपैयाँको चेक हस्तान्तरण गरिएको हो ।
कलेजले समाज प्रतिको उत्तरदायित्व पनि बहन गर्नु पर्छ भन्ने सोचको साथ बिपतमा परेका विद्यार्थी तथा परिवारहरुलाइ राहत प्रदान गरेको कलेजका सञ्चालक तथा सहायक क्याम्पस प्रमुख रोशन घिमिरेले बताए।
यस्तो बिपदको अवस्थामा पाएको सहयोगले पीडितलाई ठुलो राहत मिल्ने कुरा नगर सचिव पौडेलले बताए ।
शनिवार दिउसो विद्युतीय तारबाट फैलिएको आगोले बाबुसाहेब टोलका २० घर जलेर नष्ट हुँदा २८ परिवारका एक सय १८ जना विस्थापित भएका थिए ।