धरान : दोस्रो अल्फाविटा ओपन बास्केटवल प्रतियोगिताको आज सोमवार भएको खेलमा आइएसए नेपाल प्रतियोगिताको तेस्रो जित निकाल्दै ए पोल समूह विजेता बनेको छ । यो जीतसँगै आइएसए सेमिफाइनल प्रवेश गर्यो ।
सोमवारको भएको प्रतियोगिताबाट महिला तर्फको समीकरण पुरा भएको छ । वि पोल तर्फ दुवै खेलमा जित निकाल्दै रेडडेभिल्स समूह विजेता बनेर सेमिफाइनल प्रवेश गरेको छ ।
आइएसए नेपालले युवा जागृति क्लब लाई ४९-१० र रेडडेभल्सले इलुजन झापालाई २२-१३ अङ्कले पराजित गरेका थियो । वि पोल समूहमा रहेका इलुजनले दुवै खेल गुमाए पछि इमोर्टल एक जित निकाल्दै उपविजेता बनेर सेमिफाइनल प्रवेश गर्यो । इमोर्टलले अघिल्लो दिन आइतबार भएको खेलमा इलुजनलाई पराजित गरेको थियो ।
यसैगरी एक हार, दुई जित निकालेको धरान मेघा कलेजले तरहरालाई ५४-१४ अङ्कले पराजित गर्दै ए पोल समूहमा उपविजेता बनेर सेमिफाइनल प्रवेश गरेको छ ।
सेमिफाइनलमा ए पोलको विजेता आइएसएले वि पोलको उपविजेता इमोर्टल र वि पोलको विजेताले ए पोलको उपविजेता धरान मेघा सँग प्रतिस्पर्धा गर्नेछ ।
यसैगरी पुरुष तर्फ युवा जागृति र होराइजन क्लबले जित निकालेको छ । खेलमा युवा जागृतिले तरहरा ए टिमलाई ५४-४९ र होराइजनले तरहरा वि टिमलाई ६०-४४ अङ्कले पराजित गर्यो ।
भोली मङ्गलवारको खेल पुरुष तर्फ डिपो कलेज र युजिए, धरान १३ र मिराकल, होराइजन क्लब र यलम्वर क्लब, व्रदस र इमोर्टल क्लब बिच प्रतिस्पर्धा हुनेछ । महिला तर्फ भने आइएसए नेपाल र इमोर्टल बिच पहिलो सेमिफाइनल खेल हुनेछ ।
धरान-१६ स्थित धरान रङ्गशाला इन्डोर बास्केटवल कोर्टमा भइरहेको खेल जेठ ४ गते सम्म सञ्चालन हुनेछ ।
