वराहक्षेत्र : राष्ट्रिय प्रजातन्त्र पार्टी (राप्रपा) वराहक्षेत्र वडा नं.५ को अध्यक्षमा मेघराज पराजुली चयन भएका छन्  ।

शनिवार सम्पन्न वडा अधिवेशनले पराजुलीको अध्यक्षतामा समिति चयन भएको राप्रपा कोशी प्रदेश कार्यसमिति प्रवक्ता युवा नेता विजय कुमार राउतले जानकारी दिए ।

राउतका अनुसार समितिको उपाध्यक्षमा भावना थापा (राउत) र शुस्मा हमाल, सचिवमा दुर्गा बहादुर बस्नेत त्यस्तै कोषाध्यक्षमा लोकबहादुर राई, सह-सचिवमा भक्त गुरागाईँ र निर्मला श्रेष्ठ सहित ३१ जना वडा कार्यसमिति सर्बसहमत रूपमा चयन भएको छ ।

वडा अधिवेशन कार्यक्रममा राप्रपा कोशी प्रदेश कार्यसमिति प्रवक्ता विजय कुमार राउतको प्रमुख आतिथ्यता रहेको थियो ।

कार्यक्रममा  राप्रपा सुनसरी क्षेत्र नं.१ प्रदेश सभा २ का अध्यक्ष राम ठकुरी, राप्रपा वराहक्षेत्र नगर अध्यक्ष अर्जुन भट्टराई, नगर उपाध्यक्ष लक्ष्मी रेग्मी, नगर सचिव ओम पौडेल लगायत नेताहरूको उपस्थिति रहेको थियो ।