_1735354691.gif)
धरान : डिपो स्कुलको खेल मैदानमा जारी १९ औ ललित अम्वर डिपो कपको सोमवार सुरु भएको क्वाटर फाइनल खेलमा आयोजक डिपो स्कुल र पुलिस स्कुल सेमिफाइनल प्रवेश गरेका छन् ।
डिपो स्कुलले प्रभात स्कुललाई १-० र पुलिस स्कुलले कार्मेल हाई स्कुललाई १-० गोलले पराजित गर्दै सेमिफाइनलमा प्रवेश गरेका हुन ।
खेलमा डिपोका रिदम विक र पुलिसका युगल विकेले गोल गर्दै आफ्नो टिमलाई सेमिफाइनलमा प्रवेश गराएका हुन ।
पहिलो र दोस्रो क्वाटर फाइनल खेलको म्यान अफ द म्याच प्रभात स्कुलका आशिष् राई र कार्मेल स्कुलका गोलकिपर नुयाङ राई घोषित भए । उनीहरूलाई डिपो स्कुल व्यवस्थापन समिति सदस्य द्विपराज राईले ट्रफि प्रदान गरे ।
मङ्गलवारको खेल इमानुयल र हिविस्कस स्कुल र दिल्ली पब्लिक र माउण्ट हर्मन स्कुल बिच प्रतिस्पर्धा हुनेछ ।
प्लेट च्याम्पियनमा आइडियल र जलसाय विजयी
सोमवार देखि सुरु प्लेट च्याम्पियनमा आइडियल स्कुल र जलसाय स्कुल विजयी भएका छन् । आइडियल स्कुल र धरान लिगामेन्ट स्कुल बिच भएको खेलमा निर्धारित समय बराबरी १-१ गोलमा टुगींदा खेल टाइव्रेकरमा गयो ।
टाइव्रेकरमा आइडियल स्कुल ३-१ गोलले विजयी भयो । दोस्रो खेलमा देउराली चिल्ड्रेन र जलसाय स्कुलले निर्धारित समयमा गोल नगरेपछि दोस्रो खेल पनि टाइव्रेकरमा गयो । टाइव्रेकरमा २-१ गोलले जलसाय विजयी भयो ।
प्रतियोगिताको पहिलो चरणमा पराजित भएका टिमहरु बिच दिलकुमार प्लेट च्याम्पियनको लागि प्रतिस्पर्धा हुन्छ ।
_1664681437.jpg)
