सुनसरी : उच्च शिक्षालय तथा माध्यमिक विद्यालय सङ्घ नेपाल हिसान सुनसरीको स्पोर्ट्स मिट अन्तर्गत हाजिरी जवाफमा धरान मेघा हिमालय मावि प्रथम भएको छ ।

धरान उच्च माविको हलमा सोमबार भएको प्रतियोगितामा चामुण्डा भगवती आवासीय मावि इटहरीले दोस्रो स्थान हासिल गरेको छ ।

विश्व आदर्श माबिले तेस्रो स्थान हासिल गर्दा कस्तुरी माबिले सान्त्वना स्थान हासिल गरेको छ ।

क्विज मास्टर शाहिल भुजेलले सञ्चालन गरेको प्रतियोगिताको विजयी टिमलाई हिसान सुनसरी अध्यक्ष सागर भट्टराई, प्रतियोगिता संयोजक सुरेश घिमिरे लगायतले पुरस्कार प्रदान गरे ।

प्रतियोगितामा सुनसरी जिल्लाका एक दर्जन शिक्षालयहरूको सहभागिता रहेको थियो ।