धरान : देउराली चिल्ड्रेन बोर्डिङ स्कुलले आयोजना गरेको रक्तदान कार्यक्रमबाट १११ पिन्ट रगत सङ्कलन भएको छ ।

धरान-५ स्थित स्कुल परिसरमा शुक्रवार भएको रक्तदान धरान उपमहानगरपालिकाका उपप्रमुख अइन्द्र विक्रम बेघाले उद्घाटन गरेका थिए ।

प्रमुख अतिथि बेघाले स्कुलबाट रक्तदान आयोजना गरिनु उदाहरणीय भएको बताए । प्रिन्सिपल नवीन गौतमले धरानमा रगतको अभाव पुरा गर्न थोरै भए पनि सहयोग पुग्ने बताए ।

स्कुलका निर्देशक पृथ्वी राई मगरले स्वागत मन्तव्य व्यक्त गरे । रेडक्रस सोसाइटी सुनसरीको प्राविधिक सहयोगमा रक्तदान भएको हो । स्कुलका शिक्षक, अभिभावक र स्थानीयवासीले रक्तदान गरेका थिए ।