धरान : धरान रङ्गशाला दक्षिण जारी धरान एक्सपो २०८१ को नियमित साङ्गीतिक साँझमा आज सोमवार चर्चित र्‍यापर लाहुरेको लाइभ प्रस्तुति हुनेछ ।

उनका एनर्जेटिक र हिट ट्रयाकहरुका प्रस्तुतिले नयाँ पुस्ताका र्यापरप्रेमी दर्शकहरूलाई नचाउने छ । एक्सपोको अन्तिम दिन, भोली मङ्गलवार प्रतीक्षित ब्याण्ड कुमा सागरको प्रस्तुति हुने सुनसरी उद्योग वाणिज्य सङ्घका अध्यक्ष विजय श्रेष्ठले बताएका छन् ।

उनले धरान एक्सपोले व्यापार, मनोरञ्जन र सांस्कृतिक प्रस्तुतिहरूको माध्यमबाट स्थानीय उत्पादनको प्रवर्द्धन गर्दै दर्शक र ग्राहकहरूको मन जित्न सफल भएको बताए ।