इटहरी : सुनसरीको इनरुवा स्थित जिल्ला अस्पतालमा माघ १२ गते आँखा शिविरको आयोजना हुन लागेको हो । डी.एन. ग्रुप अफ कम्पनीले सामाजिक उत्तरदायित्व अन्तर्गत निःशुल्क आँखा जाँच तथा शल्यक्रिया शिविरको आयोजना गरेको हो।

ईनर ह्वील क्लब अफ पाटनको पहल र माट्रिका आँखा केन्द्रको प्राविधिक सहयोगमा सञ्चालन हुन लागेको शिविरमा आँखा जाँच गराएपछि बिरामीको शल्यक्रिया पनि निःशुल्क हुने भएको छ । यसअघि गरिब तथा विपन्न परिवारका लागि सहायता प्याकेज उपलब्ध गराउँदै आएको डी.एन. ग्रुपले यस पटक आँखा शिविरको आयोजना गर्न लागेको जनाएको छ।

सुनसरी जग्गा तथा आवास विकास सङ्घको संयोजनमा इनरुवा नगरपालिका र जिल्ला अस्पताल इनरुवाको सहकार्यमा हुने शिविरमा अधिकतम सेवा प्रदान गर्न लागिएको आयोजक दिपक काफ्लेले बताए । आँखा जाँचका क्रममा मोतीबिन्दु देखिएका बिरामीहरूको माघ १३ गते कोशी आँखा अस्पतालमा निःशुल्क शल्यक्रिया गरिने उनको भनाइ छ ।